Şimali Afrikanın yerli əhalisi olan Amazih (Bərbər) xalqı, dünyada istifadə edilən təqvimdən təxminən min il sonraya, 2976-cı ilə qədəm qoyub.

hedeftv.az xəbər verir ki, zamana səyahətlə deyil, dərin köklü tarixi irslə izah edilən bu təqvim, Kral Şeşonkakın e.ə 950-ci ildə Misir taxtına yüksəlməsini başlanğıc nöqtəsi kimi götürür.

12-14 yanvar tarixləri arasında Əlcəzair, Mərakeş, Tunis və Liviyada qeyd olunan Amazih Yeni İli olan "Yennayer", ailə bağlarını, yenilənməni və təbiətlə dərin bir əlaqəni təmsil edir.

Küçələr diqqətlə hazırlanmış ənənəvi geyimlər və ictimai şənliklərlə müşayiət olunan "aseggas ameggaz" (yeni iliniz mübarək) qışqırıqları ilə doludur.

Rəsmi statistika olmasa da , Şimali Afrikada on milyonlarla Amazihin yaşadığı təxmin edilir.

Təxminlərə görə, Mərakeşdə əhalinin təxminən 40%-i, Əlcəzairdə 20%-i, Tunis və Liviya isə nüfuzlu azlıq bu xalqın nümayəndələridir.

"Yennayer" şənliklərinin mərkəzində zəngin kulinariya mədəniyyəti dayanır. Mərakeşin Yüksək Atlas bölgəsində paxlalı bitkilərdən, ədviyyatlardan və tam taxıllardan hazırlanmış yemək olan "ourkemen" sevimli yeməkdir; Əlcəzairdə isə şirniyyat, qoz-fındıq və meyvə qarışığı olan "treze" üstünlük təşkil edir.

Rifahı simvolizə etmək üçün bu qoz qarışığı bəzən evdəki ən kiçik uşağın başına yumşaq bir şəkildə tökülür.

"Yennayer" yalnız təqvim ilinin başlanğıcı deyil, həm də əsrlər boyu davam edən mədəni varlıq mübarizəsinin simvoludur.