
Azərbaycan və Britaniya XİN-ləri arasında siyasi məsləhətləşmələr keçirilib

Azərbaycan və Birləşmiş Krallığın Xarici İşlər nazirlikləri arasında siyasi məsləhətləşmələr aparılıb.
Bu barədə Azərbaycan Xarici İşlər Nazirliyi məlumat yayıb.
Bildirilib ki, xarici işlər naziri Ceyhun Bayramov Birləşmiş Krallığın Avropa, Şimali Amerika və dənizaşırı ərazilər üzrə dövlət naziri Stiven Dauti ilə görüşüb.
Görüş zamanı Azərbaycan və Birləşmiş Krallıq arasında siyasi, iqtisadi, enerji təhlükəsizliyi, bağlantılar, iqlim dəyişmələri və ətraf mühit, humanitar, təhsil sahələri üzrə əməkdaşlıq, habelə qarşılıqlı maraq doğuran regional və beynəlxalq təhlükəsizlik məsələləri müzakirə olunub.
Azərbaycanın enerji təhlükəsizliyi sahəsində təşəbbüskarı və əsas icraçısı olduğu nəhəng layihələrlə bu istiqamətdə etibarlı tərəfdaş olduğunu sübuta yetirdiyi qeyd edilib, ənənəvi enerji növləri üzrə əməkdaşlığın bu müsbət dinamikasının alternativ enerji mənbələrinin inkişafı istiqamətində davam etdirilməsinin vacibliyi diqqətə çatdırılıb. Bu istiqamətdə, SOCAR və BP şirkətləri arasında bərpaolunan enerji üzrə əməkdaşlığın qurulmasının təqdirəlayiq olduğu vurğulanıb.
Azərbaycanın BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasına (COP29) sədrliyi çərçivəsində Birləşmiş Krallığın sessiyada Baş nazir və heyəti tərəfindən aktiv iştirak və töhfələri məmnunluqla qeyd edilib.
Təhsil sahəsi üzrə əməkdaşlıq çərçivəsində həyata keçirilən birgə təşəbbüslər, ali təhsil müəssisələri arasında yeni tərəfdaşlıqların qurulması, habelə dövlət proqramlarının əhəmiyyəti və bu sahədə işlərin davam etdirilməsinin vacibliyi diqqətə çatdırılıb.
Ceyhun Bayramov həmçinin qarşı tərəfi postmünaqişə dövründə bölgədə mövcud vəziyyət və reallıqlar, Azərbaycan-Ermənistan normallaşma və sülh prosesinin gedişatı barədə ətraflı məlumatlandırıb.
2025-ci il avqustun 8-də keçirilmiş Vaşinqton görüşü çərçivəsində “Azərbaycan Respublikası ilə Emənistan Respublikası arasında sülhün və dövlətlərarası münasibətlərin təsis olunması haqqında Saziş”in mətninin paraflanması, habelə ATƏT-in Minsk Prosesi və əlaqəli strukturların bağlanması ilə əlaqədar birgə müraciətin ünvanlanmasının sülh prosesi çərçivəsində əldə olunmuş əhəmiyyətli nailiyyətlərdən biri olduğu vurğulanıb.
Görüşdə, həmçinin qarşılıqlı maraq doğuran digər məsələlər ətrafında fikir mübadiləsi aparılıb.
Eyni gündə Azərbaycan və Birləşmiş Krallığın Xarici İşlər Nazirlikləri arasında siyasi məsləhətləşmələr təşkil olunub. Siyasi məsləhətləşmələrə Azərbaycan tərəfindən nazir müavini Fariz Rzayev, Birləşmiş Krallıq tərəfindən isə Avropa, Şimali Amerika və dənizaşırı ərazilər üzrə dövlət naziri Stiven Dauti rəhbərlik edib.


Dün, 16:30
Prezident Çinə getdi
Dün, 15:58
Leyla Əliyeva və Arzu Əliyeva Milli Onkologiya Mərkəzində olublar - FOTO
Dün, 15:21
Taksilərin qiyməti artıb?
Dün, 14:26
İranda Mossada bağlılıqda şübhəli bilinən 8 nəfər həbs edilib
Dün, 13:08
Sabah 38 dərəcə isti olacaq
Dün, 12:20
Bakı-Ağdam qatarına biletlər 3 gün ərzində satılıb
Dün, 11:36
Qriqoryan İranda Laricani ilə görüşdü
Dün, 10:38
Azərbaycan nefti yenidən bahalaşıb
Dün, 10:00
Azərbaycan Premyer Liqasında bu gün daha iki qarşılaşma baş tutacaq
29-08-2025, 19:06
Qazaxda açıq ərazidə yanğın - VİDEO
29-08-2025, 18:34
MİQ üzrə müsahibə mərhələsinin nəticələri elan olunub
29-08-2025, 17:52
“Türkiyə İsraillə ticarət əlaqələrini tamamilə kəsib”
29-08-2025, 16:54
İlham Əliyevdən “Qarabağ”la bağlı - Sərəncam
29-08-2025, 16:33
Prezident icra başçısına şiddətli töhmət verdi
29-08-2025, 15:53
BQXK-nın Bakıdakı ofisi gələn həftə BAĞLANIR
29-08-2025, 15:01
Kreml: Putin Zelenski ilə görüşün mümkünlüyünü istisna etmir
29-08-2025, 14:24
ABŞ-nin Bakıdakı Səfirliyi işçi AXTARIR
29-08-2025, 13:02
Sabah 38 dərəcə isti olacaq - PROQNOZ
29-08-2025, 12:09
Bakı Metropoliteninə 20 yeni nəsil vaqon gətirilib
29-08-2025, 11:41
Almaniya vətəndaşlarını İranı tərk etməyə çağırıb
29-08-2025, 11:20
Sumqayıtda qazın verilişində fasilə olacaq
29-08-2025, 10:34
Orta ixtisas təhsili müəssisələrinin boş qalan yerləri üzrə ixtisas seçimi başlayıb
29-08-2025, 09:46
DYP toy karvanında yol hərəkət qaydalarına riayət olunması ilə bağlı vətəndaşlara müraciət edib
29-08-2025, 09:15
Çin XİN: Vaşinqtonun Pekinə qarşı təzyiqə əsaslanan siyasəti heç bir işə yaramayacaq
28-08-2025, 19:01
Türkiyə Suriyada əməliyyata başlaya bilər
28-08-2025, 18:16
Ombudsman: Ağdamda işgəncəyə məruz qalmış azyaşlıların vəziyyəti nəzarətdə saxlanılır
28-08-2025, 17:28
Magistraturaya əlavə yerləşdirmənin qeydiyyat müddəti uzadılıb