Bu gün Əlinin 3 yaşı tamam oldu. Söz yox ki, ilk növbədə ata-anasının, babası İnqilab və Lütfiyar bəyin, nənələrinin, əmilərinin, dayılarının və digər əzizlərinin sevinc payı olan bu körpə balanın doğum gününün tamam olması, bu gün onu sevənlərin qəlbində yeni bir sevinc hissinin, yeni bir sevgi duyğusunun baş qaldırmasına səbəb oldu. Odur ki, Əlini bütün əzizləri doğum günü münasibətilə ürəkdən təbrik edib, ona həyatda uzun ömür, cansağlığı, firəvan həyat, əsl xoşbəxtlik arzulayırlar. Bu təbrikə Lütfiyar bəyin yaxın dostu Şahin Orucov da qoşulur və o, 3 yaşı tamam olan bu körpə balanı bağrına basaraq, ona ən xoş, ən ülvi arzularını çatdırır.