“Azov” komandirlərinin Kiyevə qaytarılması ilə bağlı bildiyim qədəri ilə hansısa şərt irəli sürülməyib. Türkiyənin vasitəçi kimi mövqeyinin özəlliyi də məhz budur.

Bunu Ukraynanın Türkiyədəki səfiri Vasili Bodnar deyib.

“Ankaranın rolu vacibdir, çünki buna görə Türkiyənin qlobal oyunçu kimi mövqeyi yüksəlir. “Azov” hərbçilərin qaytarılması təkcə Ukrayna üçün yaxşı jest deyil, bu, ilk növbədə, Moskva ilə ünsiyyətdə Ankaranın mövqelərinin güclənməsidir. Ölkələr arasında müvafiq danışıqlar bir neçə aydır davam edir. Prezident Zelenskinin bütün diplomatik avanqardı bu işə qarışıb”, - səfir bildirib.