Paytaxtın Nəsimi rayonu, “Memar Əcəmi” metrosunun yaxınlığında yol-nəqliyyat hadisəsi baş verib.

hedeftv.az-ın məlumatına görə, hadisə noyabrın 30-da səhər saatlarında qeydə alınıb. Belə ki, hərəkətdə olan 99-C-326 dövlət nömrə nişanlı “Honda Motosikl”, 77-JL-089 dövlət nömrə nişanlı “İveco” markalı təcili tibbi yardım avtomobiliylə toqquşub. Hadisə nəticəsində motosikletə maddi ziyan dəyib, onu idarə edən qadın sürücü yüngül bədən xəsarətləri alıb. Yaralıya ilkin yardım göstərilib.

Qeyd edək ki, hadisə yerinə polis əməkdaşları cəlb olunub.

Faktla bağlı araşdırma aparılır.