“Kəpəz”in futbolçusu Veysəl Rzayev bıçaqlanıb.

O, Gəncədə hücuma məruz qalıb.

Klubdan verilən məlumata görə, yarımmüdafiəçi xəstəxanaya yerləşdirilib. Hadisənin hansı zəmində baş verdiyi isə bildirilməyib.

Gəncə Şəhər Birləşmiş Xəstəxanasından verilən məlumata görə, bu gün saat 05:10 radələrində 2002-ci il təvəllüdlü Veysəl Rzayev Gəncə Şəhər Birləşmiş Xəstəxanasının nəzdində olan Akademik Z.Məmmədov adına xəstəxananın Təcili tibbi yardım şöbəsinə hospitalizasiya olunub. Ona döş qəfəsinin arxa divarının açıq yarası diaqnozu təyin olunub. Hazırda müalicəsi xəstəxananın Cərrahiyyə şöbəsində davam etdirilir, vəziyyəti orta ağırdır.

DİN-in regional qrupundan bildirilib ki, faktla bağlı polis əməkdaşları tərəfindən araşdırma aparılır.

Əməli törədən şəxsin saxlanılaraq istintaqa təhvil verilməsi istiqamətində tədbirlər görülür.