Çərşənbə axşamı axşam saatlarında Texas ştatının Mineral-Uells şəhərindən keçən tornado nəticəsində bir neçə nəfər xəsarət alıb. Bu təbiət hadisəsi ABŞ-ın Orta Qərb və cənub bölgələrini bürüyən altı günlük güclü fırtınalar silsiləsinin bir hissəsidir.

hedeftv.az xəbər verir ki, bu barədə CNN yerli hakimiyyət orqanlarına istinadən məlumat yayıb.

Məlumata görə, tornado yerli vaxtla saat 17:00 radələrində (Bakı vaxtı ilə çərşənbə günü 02:00) baş verib. Dallasdan təxminən 130 km məsafədə yerləşən şəhərdə yaşayış binalarına və sənaye zonasına ciddi ziyan dəyib.