10 il sonra məktəblərdə sertifikasiya imtahanlarını yüksək bilikli müəllimlər keçirəcək.

Bunu Məktəbəqədər və Ümumi Təhsil üzrə Dövlət Agentliyinin direktor müavini Vəfa Yaqublu Təhsilverənlərin sertifikatlaşdırılması ilə bağlı brifinqdə deyib.

O bildirib ki, bununla da valideynlər artıq övladları üçün yaxşı məktəb axtarışında olmayacaqlar:

“Bu prosesdə müəllimlər də maraqlıdır. Çünki bu, müəllimlər arasında sağlam rəqabət yaradır. Əvvəl maaşında 10 faiz artım alan müəllim indi öz üzərində işləyərək 35 faiz artıma düşmək istəyəcək. Sağlam rəqabət isə inkişafa aparır”.