Xəbər verdiyimiz kimi, 24 yaşlı İdil Bilgen “Miss Turkey 2024”ün qalibi olub.

Qalib olduğu gündən bəri sosial şəbəkələrdə birmənalı qarşılanmayan gözəl bu dəfə “ARB” telekanalında yayımlanan “Günə bax” proqramında müzakirə olunub.

Belə ki, verilişin aparıcısı İlqar Mikayıloğlu İdil Bilgeni gözəl hesab etməyib. Aparıcı sosial şəbəkələrdə modelin türkiyəli aktyor Kemal Sunalın canlandırdığı “Şaban” obrazına bənzədilməsini müzakirəyə çıxarıb. İlqar Mikayıloğlu bənzətmənin doğru olduğunu bildirib.

İlqar Mikayıloğlunun Türkiyə gözəlini tənqid tərzi sosial şəbəkə istifadəçiləri tərəfindən tənqidlərə tuş gəlib.

İstifadəçilər aparıcıya ünvanlanmış “Sənə bu haqqı kim verib?”, “Bu peşəkarlıq deyil”, “İnsanın mahiyyəti dəyişmir, ədəbsizlik!” kimi rəylər yazıblar.

Qeyd edək ki, İdil 2023-cü ildən Türkiyənin Ukraynada səfiri olan Mustafa Levent Bilgenin qızıdır. 1,80 sm boyunda olan İdil Bilgen Koç Universitetinin Tibb fakültəsini bitirib.(Qafqazinfo)