İtaliyanın Vicenza əyalətinin şimalındakı on bələdiyyədən ibarət birlik dağlıq bölgələri canlandırmaq və əhalinin miqrasiyasını dayandırmaq məqsədi ilə qəzalı olan mülkləri 1 avroya simvolik qiymətə satışa çıxarıb.

hedeftv.az xəbər verir ki, bu haqda “Leggo.it” məlumat yayıb.

Belə ki, Pasubio Piccole Dolomiti Dağ İcmaları Assosiasiyası “Pnrr Yaşıl İcmalar” proqramı çərçivəsində yenidənqurma planına başlayıb. Müraciət üçün son tarix aprelin 16-da olsa da, rəqəmlər təşəbbüsə böyük marağın olduğunu təsdiqləyir: Assosiasiyanın ofislərinə 78 rəsmi satınalma təklifi daxil olub; bunlardan doqquzu xaricdən, beşi isə İtaliyada yaşayan əcnəbi vətəndaşlardan gəlib.

İlkin olaraq istifadə olunmamış kimi qeyd olunan 385 əmlakdan 24-ü faktiki olaraq bazara çıxarılıb.

Birliyin prezidenti və Monte di Malo meri Mose Squarzon bu əməliyyatı “pula deyil, həyata investisiya” kimi təyin edir.

“Əsas məqsəd insanları müasirlik və rahatlıq ardınca tərk edilmiş yerlərə qaytarmaqdır”, - deyə nəşr yazır.

Qeyd olunur ki, qəzalı mənzillərə investisiya qoymaq istəyən alıcıların yekun siyahısı mayın əvvəlində açıqlanacaq.(qafqazinfo)