Cənubi Koreya Prezidenti Yun Sok Yolun iqamətgahına gələn ölkənin Yüksək Vəzifəli Məmurlar Arasında Korrupsiyanın Araşdırılması İdarəsinin (CIO) müstəntiqləri, məhkəmənin qərarına əsasən, prezidenti həbs etmək cəhdlərini dayandırıblar.

Bu barədə “Yonhap” xəbər verir.

Müstəntiqlər həmçinin növbəti addımların nəzərdən keçirilməsinin vacibliyini vurğulayaraq Yun Sok Yolun davranışından təəssüfləndiklərini bildiriblər.

***

Müstəntiqlər Cənubi Koreya Respublikasının Prezidenti Yun Sokun həbsinə cəhd edərkən hərbi qulluqçuların kordonlarını çətinliklə keçiblər, indi dövlət başçısının mühafizəçiləri ilə razılaşmalı olacaqlar.

Bu barədə “Yonhap” agentliyi məlumat yayıb.

Daha əvvəl hərbçilərin həbsin qarşısını almağa çalışdıqları barədə məlumat daxil olub.

***

Cənubi Koreya Prezidenti Yun Sok Yolu həbs etmək üçün onun iqamətgahına gedən hüquq-mühafizə orqanlarının əməkdaşları ilə binanı və dövlət başçısını qoruyan hərbçilər arasında toqquşmalar baş verib.

Bu barədə “Yonhap” agentliyi məlumat yayıb.

Məlumata görə, hərbi qulluqçular iqamətgahın ərazisində prokurorluq əməkdaşlarının qarşısını kəsiblər.

Digər təfərrüatlar açıqlanmır.

***

Cənubi Koreyanın hüquq-mühafizə orqanlarının əməkdaşları qiyam ittihamı ilə həbs etmək üçün Prezident Yun Sok Yolun iqamətgahına gediblər.

Bu barədə "Yonhap" agentliyi xəbər yayıb.

Həbs əvvəllər verilmiş order çərçivəsində həyata keçirilir. Eyni zamanda, tərəfdarları hələ də bir gün əvvəl orada prezidentə dəstək üçün kütləvi aksiya təşkil etdikləri Yun Sok Yolun iqamətgahındadır.