Məlum olduğu kimi, Azərbaycan Respublikasının Prezidenti İlham Əliyev və birinci xanım Mehriban Əliyeva Gəncə, Kəlbəcər və Ağdərəyə səfərləri çərçivəsində avqustun 20-də "Hacıkənd" İstirahət Kompleksinin tikintisi ilə tanış olublar.

Gəncə şəhərinin Hacıkənd qəsəbəsi və Göygöl rayonunun Bənövşəli kəndinin ərazisini əhatə edən Kompleksin ümumi sahəsi 23 hektara yaxındır. Eyni vaxtda 452 qonağın qəbulu üçün nəzərdə tutulan kompleksdə qonaqlara istirahətlə yanaşı, sağlamlıqlarını təmin etmək məqsədilə də zəruri şərait yaradılacaq.

Eyni zamanda, kompleksdə işgüzar görüşlər, konfranslar və müxtəlif təyinatlı tədbirlərin təşkili üçün müasir texniki avadanlıqla təchiz ediləcək teatral üslubda 90 nəfərlik konfrans zalı yaradılacaq. Kompleks fəaliyyətə başladıqdan sonra burada ümumilikdə 300-ə yaxın iş yerinin açılması nəzərdə tutulur.

Qeyd edək ki, bu istirahət mərkəzinin istifadəyə verilməsi bölgədə turizm potensialının möhkəmləndirilməsinə, məşğulluğun səviyyəsinin artırılmasına, ümumilikdə sosial-iqtisadi inkişafa böyük töhfə verəcək.

Yeni-yeni turizm, biznes və sosial obyektlərin istifadəyə verildiyi Göygöl rayonunda kommunal xidmət infrastrukturunun da daim yaxşılaşdırılmasına diqqət yetirilir. Bu xidmət növləri sırasında əlbəttə ki, elektrik enerjisi ilə təminat əhəmiyyətli yer tutur. Rayon İcra Hakimiyyəti, “Azərenerji” Səmdar Cəmiyyəti, eləcə də hökumətin yerli qurumları elektrik təchizatı infrastrukturunun qurulması və təkmilləşdirilməsi işlərini yerinə yetirən icraçıları tender yolu ilə seçərkən sahə üzrə sınanmış, təcrübəli, uğurlu şirkətlərlə işləməyə üstünlük verirlər. Belə etibarlı tərəf müqabillərindən biri də “Best Energy Group” MMC-dir.

“Best Energy Group” MMC müxtəlif sənaye sahələrində biznes və fərdlərə xidmət göstərən davamlı həllərin aparıcı təchizatçısı olmağı hədəfləyən şirkətdir. Şirkət müştərilərinin kiçik miqyaslı layihələrdən irimiqyaslı infrastruktur inkişaflarına qədər müxtəlif ehtiyaclarını ödəmək üçün etibarlı, səmərəli və ekoloji cəhətdən təmiz xidmətlər təqdim edir.

Şirkət ağıllı əlaqə nöqtələri sayəsində asan montaj və sökmə xüsusiyyətinə malik modul panellər, sinxronizasiya panelləri, generator ötürmə panelləri və əsas paylayıcı panellər istehsal edir.

Yüksək gərginlikdən qidalanan sistemlərin, xüsusilə elektrik enerjisi istehsal edən stansiyaların, ötürücü sistemlərin, paylayıcı qurğuların, nasos stansiyalarının, sement fabriklərinin mühafizə idarələri üçün hazırlanmış ikinci dərəcəli qoruyucu panellərin istehsalı, CNC dəzgahlarında hazırlanmış xüsusi dizayn panelləri ilə həyata keçirilir.

Müştərinin müxtəlif tələblərinə uyğun olaraq ikinci dərəcəli paylayıcı sistemlərdə elektrik enerjisinin etibarlı paylanması üçün istifadə olunan orta gərginlikli paylayıcı qurğular da hazırlanır.

“Best Energy Group” MMC Göygöl rayonunda inşa etdiyi yeni yarımstansiya sifarişçiyə təhvil verilib. 2 – 3 ay əvvəl başlanmış işlər uğurla yekunlaşdırılıb. İş icraçısı Ağaxan müəllimin rəhbərliyi altında cəlb olunmuş 20-30 nəfər işçi heyət üzərlərinə düşən vəzifələrin öhdəsindən məharətlə gəliblər.

Onu da qeyd edək ki, “Best Energy Group” MMC daha əvvəl işğaldan azad olunmuş Laçın, Zəngilan, Hadrut, Xocalı rayonlarında, eləcə də Mingəçevir və Sumqayıt kimi iri şəhərlərdə, Bakıdakı möhtəşəm “Seabreeze” layihəsi üzrə uğurlu proyektlər həyata keçirmiş və keçirməkdədir.

Şahin Orucov