Azərbaycan tarixinin ən şanlı səhifələrindən biri olan 2020-ci ilin 44 günlük Vətən müharibəsi xalqımızın yaddaşına qızıl hərflərlə yazılıb. Bu qələbə Azərbaycan xalqının birliyinin, ordumuzun qəhrəmanlığının və Müzəffər Ali Baş Komandan cənab İlham Əliyevin müdrik siyasətinin təntənəsidir. Bu zəfərlə Azərbaycan xalqı 30 illik nisgilə, həsrətə son qoydu, torpaqlarımız azad olundu, dövlətimizin suverenliyi bərpa edildi.
Məhz bu tarixi hadisədən danışarkən, vətənpərvər iş adamı, xeyriyyəçi və dövlətinə sədaqəti ilə tanınan Şəmsi Səmədzadə dərin qürur hissi ilə belə deyir: “Müzəffər Ali Baş Komandan cənab İlham Əliyev 30 illik həsrətə son qoydu. Zəfər sənindi, Azərbaycan!”
Bu kəlmələr təkcə bir vətənpərvərin duyğularını deyil, bütün Azərbaycan xalqının qəlbindən keçən hissləri ifadə edir. Şəmsi Səmədzadə kimi dövlətinə, xalqına və torpağına bağlı insanlar bu günkü qələbənin əhəmiyyətini dərindən dərk edir və onun davamlı olması üçün çalışırlar.
Şəmsi Səmədzadə uzun illərdir ki, Azərbaycanın iqtisadi həyatında fəal iştirak edən, vətənpərvər mövqeyi ilə seçilən iş adamıdır. O, öz biznes fəaliyyətini yalnız maddi mənfəət məqsədilə deyil, həm də cəmiyyətə fayda vermək, xalqın rifahını yüksəltmək missiyası üzərində qurub. Onun üçün sahibkarlıq – təkcə iqtisadi fəaliyyət deyil, həm də dövlətçiliyə xidmət, vətəndaşlıq borcunun bir ifadəsidir.
Şəmsi Səmədzadə hər zaman vurğulayır ki, bu gün ölkədə sabitliyin, inkişafın və sosial ədalətin təmin olunmasının başlıca səbəbi Prezident İlham Əliyevin uzaqgörən siyasətidir. O, hesab edir ki, məhz dövlət başçısının məqsədyönlü addımları nəticəsində Azərbaycan bölgədə söz sahibinə çevrilib, iqtisadi cəhətdən güclənib və beynəlxalq aləmdə nüfuz qazanıb.
İş adamı bildirir ki, Prezidentin “güclü dövlət, güclü xalq” konsepsiyası bu gün hər bir azərbaycanlının həyatında öz real təsirini göstərir. “Biz artıq qalib xalqıq, qalib dövlətik. Bu mövqeyi qorumaq, inkişaf etdirmək hər birimizin borcudur”, – deyə o qeyd edir.
Şəmsi Səmədzadə üçün 8 Noyabr – Zəfər Günü yalnız bir bayram deyil, həm də milli ruhun təntənəsidir. Onun fikrincə, bu gün Azərbaycan xalqının birliyini, dövlətinə inamını və ordusuna sevgisini göstərən ən ali gündür.
“Müzəffər Ali Baş Komandan cənab İlham Əliyevin dəmir iradəsi, xalqın dəstəyi və ordumuzun şücaəti nəticəsində Qarabağ torpağı azad edildi. Bu, təkcə hərbi qələbə deyil, həm də ədalətin, haqqın qələbəsidir. Cənab Prezident bütün dünyaya sübut etdi ki, Azərbaycan xalqı heç vaxt torpaqlarının işğalı ilə barışmayacaq,” – deyə Şəmsi Səmədzadə qürurla vurğulayır.
O, həmçinin qeyd edir ki, bu gün Qarabağda həyata keçirilən bərpa və yenidənqurma işləri, “Böyük Qayıdış” proqramı, inşa olunan yeni şəhərlər və kəndlər Prezident İlham Əliyevin və Birinci vitse-prezident Mehriban xanım Əliyevanın uzaqgörən fəaliyyətinin nəticəsidir. “Qarabağda yüksələn hər bina, salınan hər yol və açılan hər məktəb bizim milli dirçəlişimizin simvoludur,” – deyə iş adamı əlavə edir.
Şəmsi Səmədzadə öz ictimai fəaliyyətində daim şəhid ailələrinə, qazilərə və sosial cəhətdən həssas təbəqələrə dəstək göstərməklə tanınır. O, dəfələrlə şəhid ailələrinə mənzil və maddi yardım kampaniyalarında iştirak edib, qazilərin müalicə və reabilitasiyası üçün xeyriyyə təşəbbüslərinə qoşulub.
Onun fikrincə, bu gün hər bir azərbaycanlı şəhid ailəsinə diqqət göstərməklə dövlətinə və torpağına olan sevgisini ifadə etmiş olur. “Bu torpaqlar şəhidlərimizin qanı ilə azad olunub. Onların ailələrinə qayğı göstərmək bizim mənəvi borcumuzdur. Mən bu borcu yerinə yetirməyi həyatımın ayrılmaz hissəsi hesab edirəm,” – deyə Şəmsi Səmədzadə bildirir.
Bu yanaşma onun şəxsiyyətindəki humanizm və vətənpərvərlik hisslərinin dərinliyindən xəbər verir. Məhz bu keyfiyyətlər sayəsində o, həm işgüzar dairələrdə, həm də ictimai mühitdə böyük hörmət qazanıb.
Şəmsi Səmədzadə hesab edir ki, güclü dövlətin əsas dayaqlarından biri güclü iqtisadiyyatdır. Buna görə də o, öz fəaliyyətini ölkə iqtisadiyyatına töhfə vermək prinsipi üzərində qurur. Onun rəhbərlik etdiyi müəssisələrdə minlərlə insan işlə təmin olunub, yerli istehsal genişlənib, idxaldan asılılıq azaldılıb.
O bildirir ki, Prezident İlham Əliyevin həyata keçirdiyi iqtisadi islahatlar biznes mühitinin sağlamlaşdırılmasına, sahibkarlığın inkişafına və investisiya cəlbediciliyinin artmasına şərait yaradıb. “Bu gün biz azad, güclü, sabit və perspektivli bir ölkədə yaşayırıq. Dövlətimiz sahibkarın yanındadır, biz də dövlətin,” – deyə Şəmsi müəllim qürurla qeyd edir.
Onun fikrincə, iş adamlarının dövlət siyasətinə dəstək göstərməsi təkcə vətəndaşlıq mövqeyi deyil, həm də milli məsuliyyət məsələsidir. Çünki hər bir sahibkarın qazancı və uğuru sabit dövlətin və güclü rəhbərliyin nəticəsidir.
Şəmsi Səmədzadə üçün Qarabağ Zəfəri təkcə keçmişin deyil, həm də gələcəyin yol xəritəsidir. O, hesab edir ki, bu qələbə Azərbaycanın yeni inkişaf mərhələsinin başlanğıcı oldu. “Bu gün Qarabağda aparılan quruculuq işləri təkcə fiziki bərpa deyil, həm də milli ruhun yenidən dirçəlişidir. Bu torpaqlarda azərbaycanlıların yenidən qurduğu həyat gələcək nəsillərə ən böyük miras olacaq,” – deyə o bildirir.
O, hər zaman qeyd edir ki, cənab Prezidentin rəhbərliyi altında Azərbaycan xalqı yeni zirvələr fəth edəcək. “Biz artıq tarix yazmış xalqıq. İndi bu tarixi qorumaq və inkişaf etdirmək bizim məsuliyyətimizdir,” – deyə Şəmsi Səmədzadə söyləyir.
Şəmsi Səmədzadə kimi vətənpərvər iş adamlarının fəaliyyəti bu gün Azərbaycanın sosial-iqtisadi inkişafında, cəmiyyətin mənəvi birliyində mühüm rol oynayır. Onlar dövlətin siyasətinə dəstək verərək xalqla hakimiyyət arasında körpü rolunu oynayır, dövlətçiliyin möhkəmlənməsinə töhfə verirlər.
Onun “Müzəffər Ali Baş Komandan cənab İlham Əliyev 30 illik həsrətə son qoydu. Zəfər sənindi, Azərbaycan” sözləri bu gün hər bir vətən sevdalısının ürəyindən keçən ən səmimi, ən qürurlu ifadədir.
Bu sözlərdə həm minnətdarlıq, həm sevinc, həm də qürur gizlidir. Bu, qalib dövlətin, qalib xalqın, Prezidentinə sədaqətli, torpağına bağlı bir azərbaycanlının ürək sözləridir.
Zəfər sənindi, Azərbaycan! Zəfər sənindir, xalq!
Və bu zəfərin müəllifi – Müzəffər Ali Baş Komandan cənab İlham Əliyevdir!
Bu qürur, bu birlik, bu inam – sənin kimi vətənpərvərlərin sayəsində əbədidir, Şəmsi Səmədzadə!

Elyana Dilbazi