ABŞ və İsrailin İrana hücumları təchizat zəncirlərini pozub və bu da dünya miqyasında dərman qiymətlərinin rekord səviyyədə artmasına səbəb olub. Böyük Britaniya və Hindistanda ağrıkəsicilər kimi vacib dərmanların qiyməti dörd dəfə artıb.

hedeftv.az xəbər edir ki, əczaçılıq məhsulları üçün xammal olan neft-kimya məhsullarının daşınmasında yaranan fasilələr istehsalı ləngidib.

Dərmanların təxminən 35%-i və həyati əhəmiyyətli peyvəndlərin təxminən 90%-i hava yolu ilə daşınır. Müharibə səbəbindən hava məkanının bağlanması və təyyarə yanacağı böhranı logistika xərclərini artırıb.

Mütəxəssislər bildirirlər ki, hazırda qlobal dərman axını qıtlıqla deyil, ciddi gecikmələr və artan logistika xərclərindən əziyyət çəkir. Bu da birbaşa rəflərdəki qiymətlərə təsir göstərir.

Xüsusilə də Böyük Britaniya və Hindistanda qiymətlərin artması daha aydın özünü göstərir.

Sudan,Yəmən, Fələstin kimi humanitar böhranlardan əziyyət çəkən ölkələrdə böyük humanitar fəlakət yaşanır.

Körfəz ölkələri hazırda təchizatın təhlükəsiz olduğunu bildirsələr də, hava nəqliyyatındakı fasilələr və vacib dərmanların daşınmasındakı gecikmələr təchizat zəncirinin ən zəif halqası olan ölkələri acınacaqlı vəziyyətə salır.(Teleqraf)