Beş Avropa ölkəsi 2 il əvvəl ölən Rusiya müxalifət lideri Aleksey Navalnının ölümcül toksinlə zəhərləndiyini bildirib.

Bu barədə Böyük Britaniya, Almaniya, Niderland, İsveç və Fransadan olan mütəxəssislər birgə tədqiqatdan sonra belə qənaətə gəlib.

Məlumatda Rusiyanın Navalnını ölümcül qurbağa toksini ilə zəhərlədiyi qeyd edilib.

Bildirilib ki, bu ultra-toksik zəhər Cənubi Amerikada mövcud olan zəhərli qurbağaların dərisindən götürülüb və Navalnının qalıqları üzərində aparılan araşdırmalarda bu zəhərin elementləri tapılıb.

“Epibatadin” adlı bu zəhərin nadir və həddən artıq güclü təsirə malik olduğu bildirilir.

Hətta yüksək toksiklik səviyyəsinə görə tibbdə istifadə olunmur və mikrodozası belə ölümcül ola bilər.

Qeyd edək ki, Aleksey Navalnı 2024-cü il fevralın 16-da Rusiyada həbsdə olarkən qəflətən dünyasını dəyişib.

47 yaşlı müxalifətçi Rusiya hökuməti əleyhinə korrupsiya ittihamları irəli sürürdü.(APA)