Monqolustanın ən iri dövlət kömür şirkəti olan Erdenes Tavan Tolgoi (ETT) ölkə vətəndaşlarına dividendlər ödəyəcəyini açıqlayıb.

hedeftv.az xəbər verir ki, şirkət rəhbərliyinin qərarına əsasən, hər bir Monqolustan vətəndaşına təxminən 18 ABŞ dolları məbləğində ödəniş ediləcək.

Direktorlar şurasının nümayəndələri bildiriblər ki, ölkənin bütün vətəndaşları ETT-nin birbaşa səhmdarları və pay sahibləridir. Bu səbəbdən şirkətin mənfəətindən əldə olunan gəlir dividendlər formasında əhaliyə paylanır.

Qeyd edək ki, ETT 2008-ci ildə Monqolustan hökuməti tərəfindən yaradılıb və hazırda ölkənin ən böyük kömür ixracatçısı hesab olunur. 2012-ci ilin yazında isə şirkətin səhmlərinin bir hissəsi artıq 2,5 milyon vətəndaş arasında bölüşdürülmüşdü. Bu addım təbii sərvətlərin milli pay prinsipi əsasında bölüşdürülməsi kimi qiymətləndirilmişdi.