Böyük Britaniyanın Tehrandakı səfirliyi ölkədə artan vətəndaş iğtişaşları və İran ilə ABŞ arasında gərginliyin kəskinləşməsi fonunda müvəqqəti olaraq fəaliyyətini dayandırıb.

Bu barədə Politico rəsmi mənbələrə istinadən məlumat yayıb.

Məlumata görə, Böyük Britaniyanın Tehrandakı səfirliyinin əksər əməkdaşları təhlükəsizlik səbəbilə ölkədən çıxarılıb. Qərar Tehranda vəziyyətin sürətlə pisləşməsi, etiraz aksiyalarının genişlənməsi və regionda hərbi-siyasi risklərin artması ilə əlaqələndirilir.

Rəsmi London vəziyyəti yaxından izlədiyini bildirir və səfirliyin fəaliyyətinin bərpasının təhlükəsizlik qiymətləndirmələrinin nəticəsindən asılı olacağını vurğulayır.