İxtisas seçimində kənar şəxslərin köməyindən istifadə olunması mənfi nəticələr verir.

Bunu Dövlət İmtahan Mərkəzinin Direktorlar Şurasının sədri Məleykə Abbaszadə deyib.

O bildirib ki, ixtisas seçimi üçün kitabçalar hazırlanıb və orada ixtisaslar, plan yerləri və ötən il üzrə keçid balları öz əksini tapıb.

“Bu vəsaitlərdən istifadə etməklə doğru ixtisası seçmək mümkündür. Valideynlərə müraciət edirəm ki, ilk növbədə uşaqların istəklərini öyrənin, ondan sonra birgə seçim edin", - deyə M.Abbaszadə əlavə edib.