NASA-nın yeni təşəbbüsü ilə hər kəs öz adını kosmosa göndərə bilər.

hedeftv.az xəbər verir ki, “Artemis II” missiyası çərçivəsində insanlar xüsusi qeydiyyatdan keçərək adlarını yaddaş kartına yazdıra biləcəklər.

Bu kart “Orion” kosmik gəmisinin göyərtəsində Ay ətrafında uçuş həyata keçirəcək 4 astronavtla birlikdə kosmosa göndəriləcək. Missiyanın əsas məqsədi gələcək insanlı Ay enişləri üçün bütün sistemləri sınaqdan keçirməkdir.

Beləliklə, iştirakçılar fiziki olaraq uçuşda iştirak etməsələr də, onların adları Ay orbitində səyahət etmiş olacaq. Qeydiyyat isə tamamilə pulsuz aparılır və onlayn formada həyata keçirilir.

“Artemis II” NASA-nın insanları yenidən Aya qaytarmağı hədəfləyən genişmiqyaslı proqramının ilk ekipajlı mərhələsi hesab olunur — uçuş zamanı “Orion” Ayın ətrafında dövrə vurduqdan sonra Yerə geri qayıdacaq.